Ditrel-i emandako laguntza ekonomikoa funtsezkoa izan zen itsasoko energiaren nazioarteko merkatura jauzi egiteko. Baina, zenbakiez harago, gogoan iltzaturik ditut Maitanerekin eta Davidekin gure proiektuari buruz izandako elkarrizketak, bai hasieran aurkezterakoan bai ondoko hilabeteetan. 2019. eta 2020. urteetan jasotako laguntza hurbilekoa eta pertsonalizatua izan zen, eta nabarmena zen gure proiektuak aurrera egin zezan jartzen zuten interesa. Euren zeharkako ikuspegiari esker, merkataritza-jarduerarako beste ikuspegi bat eskaini ziguten, gurea bezalako enpresa txikietan oso beharrezko dena.
