Azaroaren 19tik 24ra Design The Future workshopak aukera paregabea eskaini die Euskal Herriko Unibertsitateko 12 ikasleri Genevan (Suitza) Ikerketa Nuklearrerako Europako Erakundearen (CERN) erronketan parte hartzeko eta ikerketa-taldeen eguneroko lanarekin bat egiteko. Hautatutako pertsonak Arabako Campusean matrikulatuta zeuden edo, Gasteizkoak izanda, UPV/EHUren beste Campus batzuetan matrikulatuta zeuden.

Jarduera hori INIZIA Araba Campus programaren barruan dago. Programa hori, bada, Arabako Enpresa eta Berrikuntza Gunearekin (BIC Araba) lankidetzan egiten da, eta ekintzaileak sustatzea, aholkatzea eta laguntzea du helburu, baita unibertsitate komunitatearen barruan enpresa berritzaileak eta oinarri teknologikokoak sortzea ere.

COVID-19aren pandemiak agerian utzi duen arazo ugarietako bat da jada ez dela baliozkoa pentsatzeko modu lineal bat. Gizateria gisa dugun etorkizunak gure pentsamendu-arketipo tradizionalak ordezkatu eta ikuspegi ez-lineal eta sistemikoak hartu behar ditugu.

Horixe ikastera etorri ziren UPV/EHU Araba Campuseko ikasleak IdeaSquare-n, Design the Future x Terraforming programarekin, Pablo García Tellok zuzenduta. Taldeetan, agertokiak diseinatu eta aurkeztu zituzten, gure planetak eta guk hurrengo hamarkadetan izango ditugun erronka ikaragarriei ahalik eta gehien aurre egiteko.

Agertoki horiek hobeto irudikatzeko, etorkizunean izan ditzakegun arazoetako batzuk nabarmentzen dituzten bideoak egin zituzten. Jarraian, hiru ikasle-taldeen proiektuak aurkituko dituzu.