GAME.EUS azeleratzaileko taldeek aktiboki parte hartu dute GAMESCOM 2025ean, Europan bideojokoen arloko ekitaldirik esanguratsuenean. Kolonian ospatutako nazioarteko kongresu honek bideojokoek ekonomia digitalaren eta berrikuntza teknologikoaren garapenean duten eragina azpimarratzen du, sektoreko gai eta joera ugari jorratuz.

Abuztuaren 20tik 22ra, GAME.EUS programan hautatutako 5 estudioek beren jokoak aurkeztu zituzten Koelnmesse erakustazokan —200.000 m² baino gehiago dituen espazioa, 40 pabiloi eta 100.000 m²-ko kanpoaldearekin batera—. Jardunaldi hauetan, taldeek aukera izan zuten inbertitzaile, editore eta nazioarteko publisher-ekin harremanetan jartzeko, beren proiektuak partekatu eta garapen profesionalerako funtsezko bileretarako gaitasuna erakusteko.

GAME.EUS campusa bost astetan garatu zen, eta denbora horretan taldeek arreta berezia jarri zuten pitch-a prestatzen: aurkezpen tekniko eta sinesgarria, sektoreko agente eta publisher-en arreta erakartzeko helburuarekin. Kolonian egindako bilerak finantzaketa eta aliantza estrategikoak bilatzeko aukera erabakigarriak izan ziren, estudio independente gisa euren ibilbidean aurrera egiten jarraitu ahal izateko.

GAMESCOM 2025 ZIFRATAN

• Bisitari kopuru osoa: 357.000 pertsona bertaratu ziren fisikoki, aurreko edizioan (2024) baino 22.000 gehiago. GAMESCOM ekitaldiaren historiako hirugarren parte-hartze handiena izan da (2018 eta 2019ren atzetik bakarrik).
• Profesional bisitariak (trade): 34.000 bisitari sektorekoak, 2024ko 32.000ren aldean.
• Erakusketariak:
  • Guztira: 1.568 erakusketari.
  • Jatorria: 72 herrialdetatik, nazioarteko parte-hartze tasa %70ekoa.
  • Banaketa: 40 pabiloi nazionaletan banatuta.
• Erakusketa-azalera: 233.000 m² inguruko espazioa.
• Eragin digitala: 630 milioi bistaratze global baino gehiago, eragin digital handia erakutsiz.

GAME.EUS-EN GAMESCOM 2025EAN PARTE HARTU DUTEN ESTUDIOAK ETA PROIEKTUAK

• Flatline Studio – Into the Grid
• Box Collider Game Studio – Good East
• Zomorro Games – Gulliotine
• DEP Games – Unicorn Wars
• Auxilio Games – The Great Farce