Basquerville Jaialdia, enpresa-berrikuntza diseinuaren eta teknologiaren bidez bultzatzeko ekitaldi profesionala, SPRI Enpresa Digitala eta BIC Arabak antolatuta, eta EIDE (Euskal Diseinuaren Elkartea) eta DIGAren (Arabako Diseinu Grafikoaren Profesionalen Elkartea) lankidetzarekin, berriro egingo da urriaren 9an, 10ean eta 11n Gasteizen.

Ekitaldi honek berrikuntza, sormena eta etorkizuneko joerak batzen ditu, diseinu eta garapeneko profesionalentzako ez ezik, teknologiaren zaleentzako ere topagune bihurtuz. Hirugarren edizio honetan, programazioak hitzaldiak, tailerrak eta tokiko, estatuko nahiz nazioarteko diseinu eta sormeneko profesionalen beste jarduera batzuk barne hartzen ditu.

Araba Enpresa Digitalak bultzatutako jaialdi honek erreferente gisa egin du bere lekua, eta espazio anitz gisa sendotu da, non teknologia, diseinu grafikoa, ikus-entzunezko komunikazioa, berrikuntza, artea eta prozesu kolaboratiboak bat egiten duten.