Harro eta pozik eman genituen enpresaren lehen urratsak BIC Araban 2009 eta 2014 urteen artean. Araban teknologiaren edo berrikuntzaren arloko ekintzailetza-ekimen bati ekin nahi dion orori zera aholkatzen diot: lehenengo eta behin BIC Araba bisita dezala. Inolako zalantzarik gabe. Bertan, orientazioa, laguntza, informazioa eta prestakuntza jasoko ditu, eta zuzeneko lotura izango du I+G+b eta berrikuntzaren euskal sistemarekin. Horrez gain, bete-betean sartuko da Arabako Parke Teknologikoan nagusi den tokiko ekosistema berritzailean. Hori guztia giro eder batean murgilduta, non ekitaldi, afari eta pintxo-jate ugari egiten diren beste ekintzaile, inbertitzaile, enpresa eta erakunde batzuk ezagutzeko.

BIC Araba funtsezkoa izan da BCARE abiarazteko, eta eman izan diguten laguntza ekonomikoa zein aholkularitzazkoa katalizatzailea izan da gure sendotze-prozesuan. Zeharo eskerturik gaude BIC Arabak gure proiektuan jarritako konfiantzagatik eta gure ekimena hasiera-hasieratik laguntzeagatik.

BIC Araba ekintzaile gisa lehen urratsak eman nituen “etxea” baino askoz gehiago da. Bere taldearen hurbiltasunak eta engaiamenduak neure enpresa-proiektua garatzeko seguru sentiarazi nauen “etxe” bilakatu da.

Duela 10 urte baino gehiago hasi ginen gu BICen (CEIA zen orduan), eta familiakoak izaten jarraitzen dugu oraindik ere. Laguntzen dizun eta ate asko irekitzen dizkizun talde bikaina da. Milesker!