SPRI Taldearekin lankidetzan, euskararen normalizazioarekin dugun konpromisoa berretsi dugu, hizkuntza-ohituretan benetako aldaketa bultzatzeko asmoz.

Aurtengo edizioan, gure taldeko 30 pertsona baino gehiago ahobizi eta belarriprest gisa parte hartzen ari dira modu aktiboan, eta 10 arigune (euskararen erabilera bermatzen den espazioak) baino gehiago identifikatu dira, hala nola harrera puntuak, aretoen alokairu zerbitzua, erosketen, finantzen eta komunikazioaren departamentuak bezalako arlo garrantzitsuetan.

“Elkar mugituz egingo dugu” lelopean, Euskaraldia 2025ak pertsona, erakunde eta entitateak gonbidatzen ditu komunikatzeko moduari buruz hausnartzera eta bizitzaren esparru guztietan euskararen presentzia handitzeko urrats sendoak egitera.

Euskadiko Parke Teknologikoaren helburu estrategikoetako bat euskararen normalizazioa da lan-ingurunean.

Euskara, gure hizkuntza izateaz gain, gure ingurunearekin lotzen gaituen balio bat ere bada. Horregatik, Euskaraldian parte hartzea gure helburu estrategikoak aurrera eramateko modu bat da, eta denon artean, etorkizun euskaldunago bat eraikitzeko aukera bat ere bai.

Euskararen erabileran aurrera egitea herrialde gisa aurrera egitea da. Eta guk, elkarlanean, egingo dugu!