Finantzaziorako laguntzak

Zibersegurtasun Industriala

Zibersegurtasun industriala bultzatzeko laguntzak

18.000 eurora arte

Onuradunak
Industria-enpresak eta zerbitzu teknikoen, diseinuaren eta logistikaren enpresak, industria-produktuari eta -prozesuari lotutakoak.

Helburua

Industria-zibersegurtasuna bultzatzea, bereziki it/ot (Information Technology/Operational Technology) inguruneetarako zibererasoen aurrean babes-sistemen konbergentzia eta integrazioa jorratzen duten proiektuak, industria-produktuarekin eta -prozesuarekin lotutako industria-enpresetan eta zerbitzu teknikoen, diseinuaren eta logistikaren enpresetan.

Zenbatekoa

Proiektuari lotutako aholkularitza-, ingeniaritza-, hardware- eta software-gastuei laguntzeko, enpresa onuradun bakoitzak urtean gehienez 18.000 euroko diru-laguntza jasoko du, ekitaldian zehar diruz lagun daitezkeen jarduera bat edo gehiago egiteko.

Diruz lagun daitezkeen gastuak

Zibererasoetatik babesteko sistemak integratzeko IT/OT inguruneetan (Information Technology/Operational Technology).

Lantegiko ekipo industrialetara sartzeko balio duten urruneko sarbideak segurtatzeko eta mantenimendu-, kontrol- eta kudeaketa-lanetarako.

Kanpoko erasoak simulatzeko eta konpainiaren datuetarako sarbide-maila desberdinak dituzten profilak ikuskatzeko.

Produkzio-lantegietako software industrialaren segurtasuna ebaluatzeko eta hobetzeko.

Egungo egoera diagnostikatzeko eta zibersegurtasuna hobetzea helburu duen ekintza-plan bat egiteko.

Zibersegurtasun industrialeko estandarrak eta araudiak betetzeko.

Perimetroko segurtasun gailuak eta beste gailu industrial batzuk monitorizatzeko.

Negozioaren lehiakortasunari eta jasangarritasunari lotutako informazio estrategikoa edo garrantzitsua babesteko.

Negozioaren lehiakortasunari eta jasangarritasunari lotutako informazio estrategikoa edo garrantzitsua babesteko.

Beste proiektu batzuk inplementatzeko, helburutzat harturik enpresa industrialen zibersegurtasun-maila esanguratsuki hobetzea eta gerta daitezkeen eraso-mota desberdinekiko arriskua eta ahultasuna murriztea.

Onuradunak

  • Programa honetan aurreikusitako laguntzak eskuratu ahal izango dituzte industria-produktuari eta -prozesuari lotutako industria-enpresek eta zerbitzu teknikoen, diseinuaren eta logistikaren arloko enpresek.
  • Era berean, Euskal Autonomia Erkidegoan kokatutako industria-taldeetako enpresa nagusiak ere sartu ahal izango dira, hala eskatzen badute, baldin eta, oro har, aurreko paragrafoko ezaugarriak betetzen badituzte, haien egoera ekonomiko finkatua kontuan hartuta.

Eskatzeko epea

Irekita 2021/11/26ra arte.

Araudia

https://www.spri.eus/laguntzak/zibersegurtasun-industriala/

Informazio gehiago

bicaraba@bicaraba.eus

945298282

Sustatzailea

spri logo

Zer bilatzen duzu?