Joan den ekainaren 13an ospatu zen Araba Ekin eta Gipuzkoa Ekin sarien banaketa, lurraldeko ekintzailetza teknologikoari eskainitako jardunaldia, eta bertan bildu ziren erakundeetako ordezkariak, ekintzaileak eta berrikuntza ekosistemako eragileak. Araba Ekin programa Tknika, Urratsbat, AFM Cluster, Uptek eta BIC Arabarekin elkarlanean garatzen da.

Jardunaldia ongietorri instituzionalarekin hasi zen, Inge Gorostiaga (Eraldaketa Digitaleko eta Ikaskuntza Aurreratuetako Zuzendaria) eta David Montero (BIC Arabako Zuzendaria) izan baitziren hitza hartzen lehenak. Biak ala biak nabarmendu zuten talentu berritzailea bultzatzen jarraitzea eta eragileen arteko lankidetza indartzea zein garrantzitsua den.

Ondoren, Alain Arteagabeitia intraekintzaileak bere esperientzia profesionala partekatu zuen, erakunde barruko ekintzailetzak eskaintzen dituen erronka eta aukerei buruzko ikuspegi inspiratzailea eskainiz. Gainera, Eneritz Zubizarreta ere entzuteko aukera izan genuen; Izertis enpresako kalitate-zuzendaria da, eta AMPEAk 2019an emakumearen saria eman zion. Bere ibilbide profesionala eta esparru teknologikoan pilatutako esperientzia partekatu zituen, baita taldea zaintzeko aholkurik onenak ere.

Ondoren, eguneko ekitaldi nagusia izan zen: sarien banaketa.

Araba Ekin kategorian:

• Tecnic Academy-ri David Monterok eman zion saria.

• Disgeus Kepa Ortiz de Urbinak saritu zuen.

• Fire Buster-i aipamen berezia Juanjok eman zion.

Gipuzkoa Ekin kategorian:

• Komerbaque-ri Laboral Kutxak eman zion saria.

• Viruchip Karmelek saritu zuen.

• Quantum Solutions-i aipamen berezia Juanjok eman zion.

Jardunaldia networking gune batekin eta lunch batekin amaitu zen, parte-hartzaileek esperientziak partekatzeko eta sinergia berriak sortzeko aukera izan zezaten.

BIC Arabatik gure zorionik beroenak eman nahi dizkiegu saritutako guztiei eta eskerrak parte hartu duten hizlari, laguntzaile eta gonbidatuei. Beste behin ere, gure lurraldeko ekintzailetza teknologikoaren indarra agerian utzi zuen jardunaldiak.