Demium-ek #AllStartup ekitaldiaren beste edizio bat antolatuko du Gasteizen.

Startupen sorreran estatuko liderra den inkubagailua da Demium. Talenturik honena identifikatu, konektatu eta garatzen du, gizartea eraldatuko duten enpresa arrakastatsuak sortzeko, kontzientzia ekintzailea piztuz. Beste herrialde batzuetako arrakasta-ereduetan oinarritutako ideiak eta merkatuko joera globalak identifikatzen dituzte, horrela, enpresa berritzaileak, eskalagarriak eta inbertigarriak eraikiz.

Eredu horri esker, Demiumek 75 startup baino gehiago sortu ditu eta horientzako 20 milioi euro baino gehiago eskuratu ditu. Bost egoitza dituzte Espainian, eta nazioartean zabaltzeko lanetan ari dira buru belarri: sei inkubagailu dituzte Europako hainbat hiritan eta, gainera, egoitza finantzarioa Londresen dute.

Gasteizko #AllStartup ekitaldian izena emateko prozesua dagoeneko zabalik da. Negozio, marketin eta teknologia profilak dituen talentu ekintzailerik honena bilatzen ari dira. Parte hartzeko ez da talderik edo ideiarik izan behar: asteburuko ekitaldian, parte hartzaileek proposatutako proiektu pilotu bat aurrera eramango dute, unean bertan sortuko den talde batean. Gainera, dinamizazio-jarduerak, kontaktuak egiteko astia eta tailerrak egongo dira. Ekitaldiaren azken egunean, taldeek aurkezpen bat egingo dute epaimahaiaren aurrean. Horretarako bost minutu baino ez dituzte izango. Ekitaldi irekia izango da, eta bertan izendatuko da talde irabazlea.

Ekintzailerik onenak inkubazio-programan sartuko dira, irailaren 23an Bilbon hasiko dena eta sei hilabete iraungo dituena. Bertan, magia sortzeko behar duten laguntza guztia izango dute eskura: tokia, prestakuntza, mentoretzak, metodologia, ekosistema, inbertsioa eta networking-a, besteak beste. Horrez gain, hautatuei arlo hauetan laguntza emango diete: administrazioa, legea, komunikazioa, kontabilitatea, marketina eta diseinua.

Horren ostean, Demiumen jaiotako startup guztiek finantzaketari buruzko informazio guztia jasoko dute: laguntza intentsiboa eta Demiumen inbertitzaile-sareen kontaktuak, hartara, enpresa sortu ostean beharko duten inbertsioa lor dezaten.

Ekitaldiak honako erakunde hauen babesa jaso du: BIC Araba, Gasteizko Udala, Mondragon Team Academy eta Metxa tokiko azeleragailua.

Izena emateko epea irailaren 16an amaituko da. Interesdunek dagoeneko izena eman dezakete hemen: https://demium.com/the-programme/?vitoria

2019-09-05T19:35:35+00:00 5 iraila 2019|

Cookie-ei buruzko informazioa

Informatzen dizugu webgune honek cookie propioak eta hirugarrengoenak erabiltzen dituela funtzionamendua ahalbidetzeko (adibidez, cookie-en erabileraren onarpena kudeatzea) eta web-trafikoa aztertzeko. Jarraian, baimendu nahi dituzun cookie-ak hautatu ahal izango dituzu. Webgune honetako cookie-ei buruzko informazio gehiago eskuratzeko sakatu hemen.

Cookie beharrezkoak

Cookie horiek ahalbidetzen dute webgunearen funtzionamendu egokia, beraz, horiek gabe webgunearen zenbait funtzionalitateri asko eragingo litzaieke. Cookie horiek ez dute baimenik behar, soilik informazioa, aurreko estekan ikus dezakezuna. Nabigatzailearen lehentasunen bitartez bakarrik desgaitu daitezke.

Cookie analitikoak

Google Analytics-en cookie-ak dira, aukera ematen dutenak webgunearen trafikoa aztertzeko, horien bidez lortutako emaitzen nahiz webgunetik nabigatzeko erabiltzaileen ohituren arabera, edukiak eta beren aurkezpena hobetze aldera.

ADOS
Aviso de cookies